काठमाडौं । नेपाली कथानाक चलचित्र “टुहुरी”को छाँयांकन आगामी असोज १ गतेदेखि हुने भएको छ । चलचित्र “टुहुरी”को छाँयांकन स्याङ्जा जिल्लाको ज्यामीरेमा आगामी असोज १ गतेदेखि हुन लागेको हो ।
आगामी असोज १ गतेदेखि छाँयांकन हुनलागेको चलचित्र “टुहुरी”लाई चलचित्रकर्मी एवं वरिष्ठ द्धन्द्ध निर्देशक जनक गुरुङले निर्देशन र चलचित्रकर्मी रविन गुरुङले सहनिर्देशन गर्नुहुनेछ । चलचित्रको कथाकारमा सुस्मी गुरुङ(मञ्जु) र पटकथा तथा संवादमा निर्देशक जनक गुरुङ आफैले गर्नुहुनेछ ।
सो चलचित्रको निर्मतामा रुक आलेमगर, खडग बहादुर गुरुङ, नेत्र तिमल्सिना, देव गुरुङ, चीज गुरुङ र मीन बहादुर गुरुङ रहेको छ । चलचित्रमा रिना गुरुङ, आनन्द गुरुङ, मनोज गुरुङ, तलीसा गुरुङ, काशी गुरुङ, रविन गुरुङ, कुमार सामरी घले, सुवाश गुरुङ र रश्मि गुरुङ लगायतका कलाकारहरूको अभिनय रहनेछ । सो चलचित्रको छाँयांकन क्यामेरा पर्सनमा खेम थापा मगर र मेकअप आर्टिसमा रुपा गुरुङ रहेको छ ।
नवज्योति भिजन नेपाल प्रा.लि.को चौंथो प्रस्तुति चलचित्र “टुहुरी”ले नेपाली सामाजमा हुने विकृति र विसंगतिप्रति लक्षित गदै चलचित्र मार्फत जनचेतना र सन्देश दिन लागेको निर्देशक जनक गुरुङले बताउनु भयो । निर्देशक गुरुङका अनुसार नेपाली समाजमा हुने विभेदकारी व्यवहारलाई कथा मार्फत चलचित्रमा उतारी पुरानो रुढवादी पराम्परालाई हटाई परिवर्तशील समयमा जनचेतना जगाउन खोजेको बताउनुभयो ।
त्यस्तै नवज्योति भिजन नेपाल प्रा.लि.ले आफ्नै व्यानरमा पहिलो “ङोलो ठागु” दोस्रो “पुर्णिमा” र तेस्रो “आफ्नै कर्म” गुरुङ साँस्कृतिमा आधारित नेपाली कथानक चलचित्र निर्माण गरी सफतापूर्वक प्रर्दशन गरिसकेको छ । यसअघि निर्माण भएको चलचित्रले देश तथा विदेशमा समेत प्रर्दशन भई दर्शक स्रोताको मन जित्न सफल भएको चलचित्र “टुहुरी”का सहनिर्देशक रविन गुरुङले बताउनुभयो । उनले अव निर्माण हुन लागेको चलचित्र “टुहुरी” विगतको भन्दा फरक भएको हुदा दर्शक स्रोताको अपार माया पाउनेमा बिस्वस्त रहेको बताउनुभयो ।
चलचित्र “टुहुरी” गाँउले परिवेशमा रहेकी एउटी नारीको कथालाई समावेश गरिने हुदाँ चलचित्रको छाँयांकन स्थल स्याङ्जाको ज्यामीरे, काउले र मटकीनालाई यसअधिनै छनौट गरिसकेको छ । चलचित्र भदौमै छाँयांकन गर्ने भएतापनि प्राविधिक कारणले समय सर्दै असोज १ गतेदेखि हुनेभएको हो ।
त्यसैगरी, चलचित्र छाँयांकनको लागि कलाकार व्यवस्थापनदेखि प्रविधिक लगायत सम्पूर्ण तयारी पुरा भएको निर्माता कम्पनीले जनाएको छ ।
