दोलखा । नेकपा एमालेबाट राजिनामा दिए पनि उपाध्यक्षको उम्मेदवार उमा शेर्पालाई सहयोग गर्ने पूर्ववडाध्यक्ष डिल्लीध्वज बस्नेतले प्रतिबद्धता जाहेर गर्नुभयो । गौरीशंकर गाउपालिका–५, सुरीको पूर्ववडाध्यक्ष समेत रहेका बस्नेतले पार्टी नभएर व्यक्तिको लागि सहयोग गरिने बताउनु भयो ।
बस्नेतले अन्य राजनीतिक दलको उम्मेदवारलाई नभई उमालाई नै सहयोग गर्ने बताउनुभयो । उनले उमालाई जित निश्चित हो, विजयीको अग्रिम शुभकामना समेत दिनुभयो । बस्नेतले एमाले पोलिटव्यूरो सदस्य पार्वत गुरुङ, जिल्ला कमिटी सचिव स्वंयम बहादुर खड्का, जिल्ला सचिवालय सदस्य जंग गुरुङ, जिल्ला कमिटी सदस्य फुरलाक्पा शेर्पा लगायतका नेता तथा कार्यकर्ताहरुसँग भेटवार्ता गर्नुभयो ।
गौरीशंकर–५ को पूर्ववडाध्यक्ष बस्नेतले पार्टी भित्रको अन्तरद्धान्द्धको कारणले साधारण सदस्यसमेत नरहने गरी यसअघिनै एमालेबाट राजिनामा दिएको थियो । उहाँले पार्टीको कुनै जिम्मेवारीमा नरहने उल्लेख गरी राजिनामा दिएको थियो । तर एमाले दोलखाले उनको राजिनामा भने स्विकृत गरेको थिएन् ।
बस्नेत स्थानीय तहको निर्वाचन २०७४ मा गौरीशंकर–५ को वडाध्यक्ष निर्वाचित भैई गाउँपालिका प्रवक्ता समेत भएको थियो । उनले यस उपनिर्वाचनमा स्वतन्त्रबाट उम्मेदवारी दिइने चर्चा भएतापनि उपाध्यक्ष पदको लागि महिला नै हुनुपर्ने निर्वाचन आयोगले नियमावली बनाएपछि उम्मेदवारी दिएनन् ।
उनले भने ‘म पार्टीगत नभई व्यक्तिलाई सहयोग गर्छु, त्यो पनि उमा शेर्पालाई नै सहयोग गर्छु’ भन्नुभयो । उनका अनुसार मैले २०७४ मा नेकपा एमालेबाटै वडाअध्यक्ष जिते, पार्टीको माया त लाग्छ तर पार्टी भित्रका केहि विमतिका कारणले राजिनामा दिएको बताए । उनले उपाध्यक्ष उम्मेदवार उमा शेर्पालाई मंसिर २ गते मनोनयन दर्ताका साथै घरदैलो अभियानमा समेत सहयोग गरेका थिए ।
त्यस्तै, गौरीशंकर गाउपालिकामा आगामी मंसिर १६ गते रिक्त उपाध्यक्ष पदको उपनिर्वाचन हुदैछ । निर्वाचनको तयारी स्वरुप मंसिर २ गते ७ राजनीतिक दलसहित १६ जनाको मनोनयन दर्ता भएको छ ।
