धनगढी । सुदूरपश्चिम प्रदेशका मुख्यमन्त्री कमल बहादुर शाहले पढ्ने वानीको विकास हुनु जरुरी रहेको बताएका छन् ।
मंगलबार देखि धनगढीमा सुरु भएको ९
औं वृहत पुस्तक प्रदर्शनी तथा शैक्षिक महोत्सव उद्घाटनका क्रममा मुख्यमन्त्री शाहले नैतिकवान र सभ्य नागरिकको परिचय स्थापित गर्न सवैले पढ्ने वानीको विकास हुनु जरुरी रहेको बताएका हुन् ।
उनले पुस्तक पढेरनै आधुनिक समाज निर्माण हुन सकेको र पढाईले नै मानिसलाई सभ्य र नैतिकवान बनाउने गरेको पनि बताए । कार्यक्रममा प्रतिनिधि सभा सदस्य डिल्लीराज पन्तले प्रबिधिका कारण पाठ्यपुस्तक अध्ययन गर्ने क्रम घट्न थालेको बताए । प्रबिधिको विकास संगै मानिसको पढ्ने शैलि परिवर्तन हुनु स्वभाविक भएको उनको भनाई छ । तर पुस्तकको महत्व भने दशकौ सम्म पनि कायमै रहने उनको भनाई छ ।
शिक्षाविद डा. हेमराज पन्तले पुस्तका कारण आधुनिक समाज निमार्ण भएको बताए । विश्वमा हाल सम्म गरिएका खोज र अनुसन्धान पुस्तक अध्ययन गरेर मात्रै सम्भव भएको उनको भनाई छ । उनले विद्यार्थीलाई अध्ययन गर्ने वानीको विकास गर्न पनि आग्रह गरेका छन् ।
नेपाल पुस्तक तथा स्टेसनरी महाँसंघका केन्द्रिय अध्यक्ष शिवसागर शर्माले पठन संस्कृतिको विकासका लागि पुस्तक प्रदर्शनी महोत्सव सञ्चालन गरिएको बताए ।
व्यवसाय संगै समामाजिक क्षेत्रमा पनि पुस्तक व्यवसयाी जिम्मेवार भएर काम गर्दै आएका उहाँको भनाई छ । उनका अनुसार महाँसंघमा देशभरका ३० हजार पुस्तक व्यवसयी आबद्ध छन् ।
नेपाल पुस्तक तथा स्टेसनरी व्यवसायी संघ कैलालीका अध्यक्ष भीम पडालको अध्यक्षतामा महोत्सव उद्घाटन कार्यक्रम सम्पन्न भएको थियो । उद्घाटन अघि संघले धनगढी बजारमा ¥याली आयोजना गरेको थियो ।
