बैतडी । बैतडीमा धामिझाँक्रिको भरमा पर्दा झाडापखाला लागेकी १३ बर्षिया बालिकाले ज्यान गुमाएकिछन् । तीन दिन देखि पखाला चलेर सिथिल बनेकी डिलाशैनी गाउँपालिका–४ जोखल्लीकी अन्दाजी १३ बर्षीया आरती रोकायाको सोमबार बिहान साढे ५ बजेको समयमा मृत्यु भएको महिला स्वास्थ्य स्वयंसेविका डम्मरा नेगिल े बताइन् ।
झाडापखाला लागेकी रोकायालाई उपचारका लागि स्वास्थ्य संस्था नलैजाँदा ज्यान गएको बुझिएको छ । उनलाई स्वास्थ्य संस्था लैजानुको सट्टा घरमै धामीझाक्री बोलाएर झारफुक गरेको पाइएको छ । महेश्वरी मावि न्वाघरमा कक्षा ८ मा अध्ययनरत आरतीको निधन भएपछि अहिले जोखल्ली गाउँ शोकमा डुबेको छ । मृतकका बुवा सुरेन्द्रबहादुर रोकाया रोजगारीका लागि भारतको धार्चुलामा रहेका र छोरीको निधन भएपछि घर फर्किन लागेका शिक्षक नेगीले बताए ।
सोही घरमा थप दुईजना बालबालिकामा झाडापखाला देखिएको महिला स्वास्थ्य स्वयंसेविका नेगीले बताइन् । पखालाबाट एकजनाको मृत्यु भएको र दुईजनामा पखाला देखिएपछि हाडाकोट स्वास्थ्यचौको टोली घरमै पुगेको थियो । उपचार पछि पखालाले ग्रस्त दुवै जनाको अवस्था समान्य बन्दै गएको स्वयंसेविका नेगीले बतायन् ।
