समाचार

काठमाण्डौ । तिहारको चहलपहल शुरु भएसँगै फूल किनबेच बढेको छ । फूल र रङको पर्वको रूपमा रहेको तिहार नजिंकिदै गर्दा फूलको किनबेच बढेको हो । पूजाआजादेखि विवाह, स्वागत, बिदाइदेखि मृत्युपछि समेत प्रयोग हुने फूलखेतीमा पछिल्लो समय नेपाल आत्मनिर्भर हुँदै गएको छ । नेपालमा २०११ सालदेखि सामान्य रूपमा फूलखेती हुँदै आए पनि २०५० सालको दशकपछि भने यसले व्यावसायिक रूप धारणा गरेको हो । पछिल्लो एक दशकयता नेपालमा फूलको व्यावसायिक खेती गर्नेको सङ्ख्या बढ्दो छ । पुष्प व्यवसायबाट मनग्य आम्दानी हुने भएपछि कृषिका अन्य क्षेत्रसँगै पुष्पखेती गर्नेको सङ्ख्या बढ्न थालेको हो । यस्तै, फूलको प्रयोग धेरै हुने भएकाले तिहारलक्षित फूलखेती गर्नेको सङ्ख्या बढ्दै गएको छ । छोटो समयमा पर्याप्त आम्दानी हुने भएकाले तिहारमा प्रयोग हुने सयपत्री र मखमलीको व्यावसायिक खेती हुने गरेको छ । विशेषगरी तिहारमा फूलको व्यापार धेरै हुने गर...

धनगढी । नेपालले आइसिसीको पूर्ण सदस्यविरूद्ध पहिलो पटक अन्तर्राष्ट्रिय क्रिकेटमा जित निकालेको छ।   युएईको शारजाहमा शनिबार भएको पहिलो टी-२० खेलमा नेपालले वेस्ट इन्डिजमाथि १९ रनको जित निकालेको हो।   नेपालले दिएको १४९ रनको लक्ष्य पछ्याएको वेस्ट इन्डिजले ९ विकेटको क्षतिमा १२९ रन मात्र जोड्न सक्यो।   वेस्ट इन्डिजका लागि ओपनिङ ब्याटर आमिर जन्गुले १९ रन जोडे भने अर्का ओपनर काइल मेयर्सलाई ५ रनमा कुशल भुर्तेलले रनआउट गरेका थिए।   त्यसपछि ज्वेल एन्ड्रयू ५ रन र अकेम अगस्टे १५ रनमा आउट भए। लगातार विकेट लिएको नेपालसामू वेस्ट इन्डिजका बलर खुलेर ब्याटिङ गर्न असफल भए।   नविन बिदैसीले २२ रन बनाए। खेल आफ्नो नियमन्त्रणमा लिएको नेपालका लागि सोमपाल कामीले १८औं ओभरमा १९ रन खर्चिए। एक नोबल दिएका सोमपाललाई अकिल हुसेन र फाबियन एलेन मिलेर १९ रन बनाएका थिए। तर...

काठमाण्डाै । नक्कली भुटानी शरणार्थी प्रकरणका आरोपी टोपबहादुर रायमाझी र ३३ किलो सुनकाण्डका मुख्य आरोपी ‘गोरे’ भनिने चूडामणि उप्रेती कारागार फर्किएका छन् । जेन–जी प्रदर्शनका क्रममा भदौ २४ गते जेलबाट भागेका उनीहरू आज जेल फर्किएका हुन् । भदौ २४ गतेको हिंसात्मक प्रदर्शनपछि कारागारबाट १३ हजार ५ सय ९२ जना र सुधारगृहबाट ९ सय ६४ गरी जम्मा १४ हजार ५ सय ५६ जना कैदीबन्दी भागेका थिए । भागेकामध्ये आजसम्ममा कारागारका ६ हजार ६ सय ४३ र सुधारगृहका ३ सय ४१ गरी कुल ६ हजार ९ सय ८४ जना फर्किसकेका कारागार विभागले जनाएको छ । भदौ २४ गते देशभर गरी ३० हजार ६ सय ३९ कैदीबन्दी रहेकामा १५ हजार ५ सय २५ जना कैदीबन्दी भागेका थिएनन् ।...

काठमाडौं, २८ भदौ । मुलुकमा यतिवेला सुशिला कार्की नेतृत्वमा चुनावी सरकार गठन भएको छ । जेन-जी पुस्ताको आन्दोलनले कांग्रेस र एमाले नेतृत्वको केपी ओलीको शक्तिशाली सरकार ढलेर कार्कीको नेतृत्वमा नयाँ सरकार बनेको छ । पूर्व प्रधानन्यायाधीश कार्कीले हिजो (शुक्रबार) राति प्रधानमन्त्रीमा नियुक्त भएर शपथ खाएकी हुन् ।   उनी आज जेन-जीहरुको प्रदर्शनमा घाइते भएर विभिन्न अस्पतालमा उपचार गराईरहेका घाइतेहरुको स्वास्थ्य अवस्था बुझ्न पुगेकी थिईन् । सो क्रममा उनले आफू १८ घण्टा जनताको सेवामा खटिने प्रतिबद्धता व्यक्त गरेकी थिईन् । प्रधानमन्त्री कार्कीले भोलि नै मन्त्रिपरिषद् विस्तार गर्ने तयारी गरेकी छिन् ।   मन्त्रिपरिषद् विस्तारअघि जेन-जीहरुको आन्दोलनमा अगुवाई गरेका हामी नेपालका संयोजक सुदन गुरुङकहाँ ठूलो भीड लागेको छ । मन्त्री बन्न चाहनेहरुले सुदनसँग सम्पर्क बढाएका छन् । सुदनले नयाँ सरकार...

काठमाडौं । प्रधानमन्त्री केपी शर्मा ओलीले राजीनामा दिएका छन् । जेनजीको आव्हानमा भएको आन्दोलन नियन्त्रणबाहिर गएपछि प्रधानमन्त्रीले राजीनामाको घोषणा गरेका हुन् । प्रधानमन्त्रीले राजीनामा दिएको उनको सचिवालयले जानकारी दिएको छ । प्रधानमन्त्रीको राजीनामा राष्ट्रपतिसमक्ष पुगिसकेको शीतल निवासले जनाएको छ । ‘मुलुकमा उत्पन्न असमान्य परिस्थितिलाई ध्यानमा राख्दै संविधान सम्मत राजनीतिक निकासका र समस्या समाधनको थप पहलको लागि संविधानको धारा ७७ (१) क बमोजिम आजैका मितिदेखि लागु हुनेगरी प्रधानमन्त्री पदबाट राजीनामा दिएको छु’, उनले राजीनामा पत्रमा लेखेका छन् ।  ...

धनगढी । ठुलो आगलागी हुँदा नियन्त्रणगर्न हम्मे हम्मे पर्ने समस्यालाई मध्यनजर गर्दै धनगढी उप महानगरपालिकाले फोम दम्कल सेवा सुचारु गरेको छ । फोम दम्पलले प्लास्टिक तथा अन्य धेरै न्वलन्सिल वस्तुमा लागेको आगोलाई पनि सहजै निभाउन सक्ने जनाइएको छ । बुधबार एक विशेष समारोहका बीच नगर प्रमुख गोपाल हमालले फोम दम्कल सेवा सुचारु भएको घोषणा गर्नु भयो । ‘फोम दम्कलले भिषण आगलागीमा पनि सामान्य दमकलले भन्दा विशेष काम गर्नेछ,’ नगर प्रमुख हमालले भने, ‘त्यसले अव आगालागी हुँदा नियन्त्रणमा सहजता हुने अपेक्षा गरिएको छ ।’ पाँच हजार लिटर पानी अटाउने क्षमतासहितको उक्त दमकलमा आगो नियन्त्रणका लागि आवश्यक रसायन राख्ने सुविधा पनि रहेको छ । उपमहानगरका अनुसार इन्धन डिपो, प्लास्टिकजन्य पदार्थ, टरपेन्टाइनलगायत सामान्य पानीले निभाउन नसकिने आगलागी नियन्त्रणमा यस दमकलले प्रभावकारी काम गर्नेछ । नगर प्रमुख हमालका अनुसार उप...

भारतले बाँधबाट सतलज नदीमा थप पानी छोडेपछि पाकिस्तानको पूर्वी क्षेत्रमा ठूलो बाढीको जोखिम उत्पन्न भएको छ । बाढीको जोखिम बढेसँगै पाकिस्तानले दशौँ हजार बासिन्दालाई सुरक्षित ठाउँतर्फ सारिरहेको छ । भारतले पाकिस्तानलाई सम्भावित सीमापार बाढीबारे अघिल्लो दिन नै सचेत गराएको थियो । यो सूचना भारत पाकिस्तानबीच पछिल्लो द्धन्द्धपछिको पहिलो सार्वजनिक कूटनीतिक सम्पर्क पनि हो । यस्तै भारतले यसपटकको बाढी चेतावनी सन् १९६० मा विश्व बैङ्कको मध्यस्थतामा भएको सिन्धु जल सन्धि अन्तर्गतको स्थायी संयन्त्रबाट नभइ प्रत्यक्ष कूटनीतिक माध्यममार्फत पठाइएको हो । उद्धारकर्ताहरूले कसुर जिल्लाबाट १४ हजारभन्दा बढी मानिसलाई सुरक्षित ठाउँमा लगेका छन् । भारतीय सीमा नजिकको बहावलनगर शहरबाट ८९ हजारभन्दा बढी बासिन्दालाई सुरक्षित क्षेत्रमा सारिएको छ । अत्यधिक वर्षा जारी रहँदा पाकिस्तानले तीव्र बाढीको सामना गरिरहेकै बेला सतलज...

धनगढी । हमासको बन्धकमा रहेका विपिन जोशीका बुवा महानन्द जोशीले दुई वर्ष बितिसक्दा पनि छोराको अवस्थाबारे थाहा पाउन नसकिएको बताएका छन् । आइतबार धनगढीमा आयोजित एक कार्यक्रमा उनले छोरालाई इजराइलबाट हमासले बन्धक बनाएर लगेपछि परिवारको खुसी, भोक निद्रा सबै खोसिएको बताए । त्यसयता मन्त्री, प्रधानमन्त्रीदेखि राष्ट्रपतिसँगसमेत पटक–पटक भेट भएको तर छोरा कुन अवस्थामा छ भन्ने जानकारी नपाएको बताए । ‘सरकारले सधै पहल गरिरहेको भन्छ,’ जोशीले भने, ‘पहल हुँदै पनि होला तर पहलका लागि एकपटक भन्दा नलागे सरकारले पनि पटक–पटक भनिराखे, झकझकाइराखे, सोधिराखे केही पत्ता लाग्थ्यो कि ।’ केही दिनअघि विपिनका आमा र बहिनी इसराइल गएका थिए । उनीहरूलाई इसराइली सरकारले नै झिकाएपछि दूतावासको समन्वयमा पठाइएको हो । सन् २०२३ को अक्टोबर ७ मा हमासले इसराइलमा आक्रमण गरी त्यहाँबाट विपिन जोशीसहित साढे २ सय जनालाई बन्धक बनाएर लगेको थियो । ...

धनगढी । निर्वाचन आयोगले नागरिक उन्मुक्ति पार्टी (नाउपा) मा रञ्जिता श्रेष्ठ नै अध्यक्ष रहेको निर्णय गरेपछि पार्टी संरक्षक रेशम चौधरी समूह नयाँ रणनीतिमा जुटेको छ । उनीहरु आगामी बाटो तय गर्ने छलफलमा केन्द्रित रहदा अध्यक्ष रञ्जिता श्रेष्ठले संसदीय दलका नेता गंगाराम चौधरीलाई नै कारवाही गरेकी छन् । अध्यक्ष श्रेष्ठले पार्टी गतिबिधि विपरित काम गरेको भन्दै संसदीय दलको नेता नरहने गरी कारवाही गरेको पत्र संसद सचिवालयमा बझाएकिछन् । रेशम समूहले यही साउन १४–१५ गते राष्ट्रिय भेला गर्दै रञ्जिता श्रेष्ठलाई अध्यक्ष मात्रै होइन, पार्टीको साधारण सदस्यबाटसमेत हटाएर लालवीर चौधरीलाई अध्यक्ष घोषणा गरेको थियो । साउन १८ गते अध्यक्ष घोषित लालवीरले पार्टीका पदाधिकारी अद्यावधिक गर्न निर्वाचन आयोगमा निवेदन दिएका थिए । यता, रञ्जिताले पनि सोही दिन राष्ट्रिय भेला अवैधानिक रहेको र आफू नै अध्यक्ष रहेको भन्दै आयोगमा ध्य...