गौरीशंकरमा दलहरुको सक्रियता उपचुनाव केन्द्रित
दोलखा । गौरीशंकर गाउपालिकामा हुुन लागेको उपनिर्वाचनमा आफ्नो उम्मेदवार विजयी गराउन प्रमुख राजनीतिक दलहरु सक्रिय भएका छन् । उपनिर्वाचनका लागि मनोनयन दर्ता मिति नजिकिदै गर्दा प्रमुख राजनीतिक दलहरुको प्रचारप्रसार एवं घरदैलो अभियानमा सक्रियता भएका हुन् ।
निर्वाचन आयोगको समयतालिका अनुसार आगामी मंसिर २ गते उम्मेदवारी मनोनयन दर्ता हुनेछ । जसका लागि प्रमुख राजनीतिक दलहरु नेकपा एमाले, नेपाली कांग्रेस र एकीकृत नेकपा माओवादी केन्द्र लगायतले पार्टीबाट उम्मेदवार घोषणा गरी घरदैलो अभियान सुरु गरेका छन् ।
नेकपा एमाले दोलखाले उमा लुङ्गेली मगर शेर्पालाई उम्मेदवार बनाउने निर्णय गरेपछि घरदैलो गर्ने अभियानको संयोजन गर्न जिल्ला कमिटीका सचिव स्वयम बहादुर खड्काको नेतृत्वमा काक्तिक २१ गतेदेखिनै सुरु गरेका छन् । अभियानका टोलिमा जिल्ला नेताहरु जंग गुरुङ, फुरलाक्पा शेर्पा, देवराम बुढाथोकी, विन्दु गुरुङ पालिका कम...
