सोनु निगमले काठमाडौंमा दिए भव्य प्रस्तुति
काठमाडौं । चर्चित भारतीय गायक सोनु निगमले क्रिसमसको अवसरमा बुधबार बेलुका काठमाडौंमा भव्य सांगीतिक प्रस्तुति दिएका छन् । बौद्धस्थित हायात रिजेन्सीको चौरमा निगमलाई सुन्न हजारौं दर्शक सहभागि थिए ।
‘सोनु निगम लाइभ इन नेपाल’ नाम दिइएको कन्सर्टमा झण्डै १० हजार दर्शक सहभागि रहेको आयोजक नेपाल टचले जनाएको छ । आफ्ना चर्चित बलिउड गीतमा गुञ्जिँदै निगमले दर्शकलाई मनोरञ्जन दिएका छन् । दर्शकले पनि निगमका गीतमा चिसिँदो मौसममा झुमेर आनन्द लिएका थिए ।
७ बजेर ३० मिनेट जाँदा स्टेज चढेका निगमले ब्याण्डसहित प्रस्तुति दिएका थिए । स्टेजमा चढे लगत्तै उनले नेपालले आफूलाई प्यार दिएको भन्दै दर्शकलाई धन्यवाद दिए । निगमलाई सुन्न हायातको चौरमा चर्चित नेपाली संगीतकर्मी पनि पुगेका थिए ।
बुधबार अपरान्ह काठमाडौं उत्रिएका निगम भोलि बेलुका दिल्ली फर्किने कार्यक्रम छ । त्यसअघि उनले विहिबार बिहान पशुपतिनाथ दर्शन र पर्व...
