Day: २०८१ पुष २४, बुधबार

सल्यान । सल्यानमा दिदीबहिनी नै घरभित्र मृत अवस्थामा भेटिएको पाइएको छ । मृत भेटिनेमा बनगाड कुपिण्डे नगरपालिका–११, सिस्नेपालत भन्ने गाउँकी ३ वर्षीय करिष्मा राना र उनकी ६ महिनाकी बहिनी राघवी राना रहेको जिल्ला प्रहरी कार्यालय सल्यानका सूचना अधिकारी रमेश क्षेत्रीले रातोपाटीलाई बताए ।उनका अनुसार घटना बुधबार बिहानको हो । उनीहरुका बाबु टेकमान राना रोजगारीका सिलसिलामा जिल्ला बाहिर रहेको र आमा पुर्णिमा राना घरमै भएपनि घटनाबारे अझै खुलिनसकेको उनको भनाइ छ । स्वास्थ्यमा कुनै समस्या नरहेको उनीहरु मृत अवस्थामा फेला परेकोले घटना शङ्कास्पद रहेको क्षेत्रीले बताए । ‘घटना शङ्कास्पद नै छ, नजिकको प्रहरी गएर घटनास्थल सुरक्षित राखिरहेको छ,’ क्षेत्रीले भने, ‘अहिले म पनि जाँदै छु, बाटोमा छु ।’ अनुसन्धानपछि मात्रै सबै कुरा भन्न सकिने उनले बताए ।...

ताप्लेजुङ । सामान्य वर्षासँगै जिल्लाको उच्च हिमाली क्षेत्रमा मङ्गलबार साँझदेखि हिमपात भएको छ । तीन हजार सात सय ९४ मिटरको उचाइमा पर्ने तीर्थस्थल पाथीभरा मन्दिरसहित जिल्लाका उत्तरी उच्च क्षेत्रमा हिमपात भएपछि जनजीवन प्रभावित भएको छ । पाथीभरा मन्दिर जाने पदमार्गअन्तर्गत फेदीको बस्तीसहित सोभन्दा माथि हिमपात भइरहेको फेदीस्थित प्रहरी चौकीका हबल्दार मिलन कटुवालले जानकारी दिए । हिमपात भए पनि जनजीवनमा सामान्य रहेको उनले बताए । यसपटक लामो समयपछि जिल्लाको केही ठाउँमा सामान्य वर्षा भएको हो । हिउँद लागेपछि लामो समयसम्म पानी नपर्दा हिउँदे बालीनाली लगाएका किसानलाई भने समस्या भइरहेको थियो । सामान्य वर्षा र हिमपात हुन सुरु भएपछि भने यसले केही राहत पुग्ने किसानले बताएका छन् । केही दिनयता चिसो बढेसँगै पाथीभरामा तीर्थयात्रीको आगमनको सङ्ख्या घटेको पाथीभरा क्षेत्र विकास समितिका कार्यकारी निर्देशक प्रजि...

काठमाडौं । बाध्यात्मक देह व्यापारमा संलग्न एक युवती (यौनकर्मी) लाई चक्कु प्रहार गरी फरार युवक साढे दुई महिनापछि पक्राउ परेका छन् । दोलखाको शैलुङ गाउँपालिका-५ का २२ वर्षीय युवक रविन बस्नेत पक्राउ परेका हुन् । उनले २२ वर्षीया युवती लक्ष्मी नकर्मी (नाम परिवर्तन) माथि कात्तिक ८ गते काँडाघारीमा छुरा प्रहार गरेका थिए । रत्नपार्क, पुरानो बसपार्क र भोटाहिटी क्षेत्रलाई आधार मानेर देह व्यापारमा संलग्न नकर्मीसँग शारीरिक सम्बन्ध राखेर पैसा दिन नमानेपछि वादविवाद हुँदा छुरा प्रहार भएको थियो । यौनजन्य क्रियाकलाप तथा मनोरञ्जन व्यवसायमा संलग्न युवतीका तर्फबाट प्रशासनिक तथा कानूनी सहायतामा सहजीकरण गर्ने संस्था श्रमिक महिला रक्षा संघको पहलमा बस्नेत पक्राउ परेका हुन् । उनी अहिले प्रहरी वृत्त नयाँ बानेश्वरको हिरासतमा रहेको उक्त संस्थाकी प्रतिनिधि सोनिया तामाङले बताइन् । बस्नेत पहिला सार्वजनिक यातायातक...

काठमाडौं । वैदेशिक रोजगारीमा पोल्याण्ड पठाइदिन्छु भन्दै रकम ठगी गरेको अभियोगमा दुई जना पक्राउ परेका छन् । सप्तरी विष्णुपुर गाउँपालिका–७ का ३१ वर्षीय कृष्ण यदुवंशी र गोरखाका ३७ वर्षीय राजेश बरामलाई मंगलबार पक्राउ गरिएको केन्द्रीय प्रहरी समाचारकक्षले जनाएको छ । अभियुक्त कृष्णले पोल्याण्ड पठाइदिन्छु भन्दै विभिन्न पीडितबाट ७२ लाख ४८ हजार एक सय ५० र राजेशले आठ लाख ९० हजार लिएर सम्पर्कविहीन भएका थिए । पीडितको उजुरीपछि काठमाडौं उपत्यका अपराध अनुसन्धान कार्यालयबाट खटिएको प्रहरी टोलीले कृष्णलाई काठमाडौँ महानगरपालिका–३१ बाट र राजेशलाई काठमाडौँ टेकुबाट पक्राउ गरेको हो ।   उनीहरूलाई कारबाहीका लागि जिल्ला प्रहरी परिसर पठाइएको छ ।...

कपिलवस्तु । लागुऔषध सम्बन्धी मुद्दामा फरार रहेका प्रतिवादी २५ वर्षपछि पक्राउ परेका छन्। जिल्ला प्रहरी कार्यालय कपिलवस्तुले २५ वर्षदेखि फरार रहँदै आएका व्यक्तिलाई पक्राउ गरेको हो। पक्राउ पर्नेमा विजयनगर गाउँपालिका-१ बस्ने ५१ वर्षीय कृष्णबहादुर चौधरी छन्। उनीविरूद्ध २०५६ चैत २८ गते जिल्ला अदालत कपिलवस्तुले ब्राउन सुगर सम्बन्धी मुद्दामा ३ वर्ष कैद र २५ हजार रुपैयाँ जरिवाना तोकेको थियो। उनलाई प्रहरीले पक्राउ गरी कारागार कार्यालय कपिलवस्तुमा चलान गरेको छ।...

डोटी । डोटीमा ड्युटी गर्दागर्दै बेहास भएर ढलेका एक जना प्रहरी सहायक हवल्दारको मृत्यु भएको छ। डडेल्धुराको भागेश्वर गाउँपालिका–५ घर भएका ३६ वर्षीय प्रहरी सहायक हवल्दार बहादुरसिंह पालीको मृत्यु भएको हो। बुधबार बिहान तीन बजेतिर उनी इलाका प्रहरी कार्यालय बिपिनगरमा कार्यालयको ड्युटीमा खटिएका थिए। उनलाई बिहान ३ देखि ६ बजेको ड्युटीमा खटाएको थियो। ड्युटीमा रहेका उनी एक्कासि छाती दुख्यो भन्दै बेहोस भएका थिए। सोही स्थानमा रहेको बिपिनगर पोलिक्लिनकमा सामान्य चेकजाँचपछि थप उपचारका लागि पोलिक्लिनिकले बिहान ४ बजे सेती प्रादेशिक अस्पताल धनगढी रेफर गरेको थियो। अस्पतालमा उपचारका क्रममा बिहान ६ः३२ बजे सेती प्रादेशिक अस्पतालमा डाक्टरले मृत घोषणा गरेको जिल्ला प्रहरी कार्यालय डोटीका डिएसपी भीमलाल भट्टराईले बताए। मृतकका परिवारमा श्रीमती र १५ वर्षकी छोरी छन्।...

डडेल्धुरा । पोखरीमा डुबेर डडेल्धुरामा एक बालिकाको मृत्यु भएको छ । गन्यापधुरा गाउँपालिका – २ कालापानी गाँउका गणेश मालीका २ वर्ष ५ महिनाकी छोरी रिया मालीको पोखरीमा डुबेर मृत्यु भएको हो घर नजिकै सिँचाईको लागि बनाएको पोखरीमा डुबेर घाईते भएकी बालिकाको उपचारको लागि डडेल्धुरा अस्पताल लगिएकोमा चिकित्सकले चेकजाँच गर्दा मृत्यु घोषणा गरेको जिल्ला प्रहरी कार्यालय डडेल्धुराले जनाएको छ ।...

काठमाडौं । तिब्बतमा भूकम्पका कारण फसेका झन्डै ४०० जनाको उद्धार गरिएको छ । भूकम्पको दोस्रो दिनसम्म आइपुग्दा ३० हजार जनालाई सुरक्षित स्थानमा सारिएको छ । भूकम्पबाट तिब्बतको शिगात्से क्षेत्रका तीनहजार ६०९ घर नष्ट भएको अनुमान गरिएको रोयटर्सले जनाएको छ । यस क्षेत्रमा राहत तथा उद्धार कार्यका लागि ५०० भन्दा बढी उद्धारकर्मी र १०६ एम्बुलेन्स तैनाथ गरिएको छ । भूकम्पबाट हालसम्म १२६ जनाको मृत्यु भएको छ । यस्तै, १८८ जना घाइते भएका छन् । गए राति उच्च हिमाली क्षेत्रको तापक्रम –१८ डिग्री सेल्सियसम्म झरेको थियो । अत्यधिक चिसोका कारण भूकम्पपीडितलाई थप समस्यामा पारेको थियो । चीन सरकारले मंगलबार नै भूकम्प प्रभावित क्षेत्रमा त्रिपाल, खाद्यान्न, विद्युतीय जेनेरेटरसहितका सामग्री पुर्‍याइसकेको छ । त्यस्तै, भत्किएका सडकहरू मर्मतपछि पुनस् सञ्चालनमा ल्याइएको छ । चाइना अर्थक्वेक नेटवर्क्स सेन्टरका अनुसार,...