ताजा अपडेट

पोखरा । गुरूङ फिल्म एसोसियसन नेपाल (जिफान)को अध्यक्षमा राजबहादुर गुरूङ (राजेश) निर्वाचित भएका छन् । शनिबार पोखरामा सम्पन्न १६औँ वार्षिक साधारणसभा तथा आठौं राष्ट्रिय सम्मेलनबाट चलचित्र निर्देशक राजेशको नेतृत्वमा नयाँ कार्यसमिति निर्वाचित भएको हो । सर्वसम्मत रूपमा निर्वाचित भएको कार्यसमितिको पदाधिकारीहरुमा प्रथम उपाध्यक्ष अर्जुन गुरूङ, द्वितीय उपाध्यक्ष कुविना गुरूङ, महासचिवमा तोलबहादुर गुरूङ (लवशन), सचिव टेकमान गुरूङ र कोषाध्यक्ष इन्द्रमाया गुरूङ निर्वाचित भएका छन् । कार्यसमितिको महिला विभाग प्रमुखमा सपना गुरूङ, प्राविधिक विभाग प्रमुखमा राजकुमार गुरूङ, भाषा तथा साहित्य विभाग प्रमुखमा तारा गुरूङ, बजार व्यवस्थापन विभाग प्रमुखमा खेम गुरूङ र प्रचारप्रसार विभाग प्रमुखमा रक्षा गुरूङ निर्वाचित भएका छन् । सदस्यहरूमा टेकबहादुर गुरूङ, भूपेन्द्र गुरूङ, रामप्रसाद गुरूङ, आशिष गुरूङ, विराज गुरूङ...

काठमाडौं । सिन्धुपाल्चोकको भोटेकोशी नदीमा खसेको बोलेरो गाडी क्रेनले निकालिएको छ । बाह्रबिसे नगरपालिका वडा नम्बर ६ बरन्डा टोलस्थित सडकबाट खसेको गाडी सुरक्षाकर्मीको टोलीले निकालेको हो । नदीबाट निकालिएको बा २० च २१८५ नम्बरको बोलेरो जीप रहेको जिल्ला प्रहरी कार्यालय सिन्धुपाल्चोकले जनाएको छ । तर उक्त बोलेरोमा कति जना थिए भन्ने बारे स्पष्ट जानकारी प्राप्त नभएको प्रहरीले जनाएको छ । स्थानीयले भोटेकोशी नदीमा गाडीको टायर देखेपछि प्रहरीलाई खबर गरेका थिए । त्यसपछि गाडी खसेको आशंकामा प्रहरीले क्रेन ल्याएर खोजी कार्य सुरु गरेको थियो ।...

काठमाडौं । कोशी, मधेश, बागमती र गण्डकीका केही तथा बाँकी प्रदेशका थोरै स्थानमा शनिबार मेघगर्जन र चट्याङसहित हल्कादेखि मध्यम वर्षाको सम्भावना छ । मौसम पूर्वानुमान महाशाखाका अनुसार दिउँसो कोशी, मधेश, बागमती र गण्डकी प्रदेशका एकदुई स्थानमा भारी वर्षाको पनि सम्भावना छ। राति कोशी र गण्डकी प्रदेशका केही तथा बाँकी प्रदेशका थोरै स्थानमा मेघगर्जन र चट्याङसहित हल्कादेखि मध्यम वर्षाको सम्भावना छ। कोशी र गण्डकी प्रदेशका एकदुई स्थानमा भारी वर्षाको पनि सम्भावना छ । कोशी प्रदेशको तराई भूभागका थोरै स्थानमा हावाहुरीको पनि सम्भावना छ ।...

काठमाडौं । मीनबहादुर भाम निर्देशित फिल्म ‘शाम्बाला’ले आगामी अस्कर अवार्डमा नेपालको प्रतिनिधित्व गर्ने भएको छ । आवेदन दिने अन्तिम मिति विहिबारसम्म यो फिल्मले मात्र आवेदन दिएकोले अस्कर अवार्डमा नेपालको प्रतिनिधित्व गर्ने भएको हो । समितिका अध्यक्ष तथा चलचित्र विकास बोर्डका सदस्य राजु केसीले एक मात्र आवेदन परेकाले ‘शाम्बाला’ निर्विरोध सिफारिस भएको बताए । यसको औपचारिक घोषणा शुक्रबार भएको हो । अब ‘शाम्बाला’ले अस्करको अन्तर्राष्ट्रिय फिचर विधामा भाग लिनेछ । नेपालको छनोट समितिले फिल्मलाई नोभेम्वरसम्म अमेरिका पठाइसक्नुपर्नेछ । ९७ औं अस्कर अवार्ड ३ मार्च, २०२५ मा अमेरिकाको लस(एन्जलसमा आयोजना हुँदैछ । ‘शाम्बाला’ शुक्रबारदेखि नेपाली हलमा प्रदर्शन भएको छ ।...

काठमाडौं । लगातार बढिरहेको सुनको मूल्यले यो साता पनि नयाँ रेकर्ड कायम गरेको छ । सातामै सुनको मूल्य प्रतितोलामा ४ हजार २०० रुपैयाँ बढेर नयाँ रेकर्ड कायम गरेको हो । आइतबार प्रतितोला १ लाख ५२ हजार १०० रुपैयाँमा कारोबार भएको छापावाल सुनको मूल्य शुक्रबार १ लाख ५६ हजार ३०० रुपैयाँ पुगेको छ । बिहिबार सामान्य घटेर साताको पछिल्लो कारोबार भएको दिन शुक्रबार पुनः नयाँ रेकर्ड कायम गरेको हो । अन्तर्राष्ट्रिय बजारमा देखिएको द्वन्द्वको प्रभाव, कच्चा तेलको मूल्यमा भएको वृद्धि, डलरको विनिमय दरमा देखिएको स्थिरता, सुनको मूल्यमा विगत केही समयदेखि देखिँदै आएको बढ्दो प्रवृत्ति लगायत कारणले सुनको मूल्य बढ्न सघाएको नेपाल सुनचाँदी व्यवसायी महासंघले जनाएको छ । यो साता नेपाली बजारमा चाँदीको मूल्य पनि सामान्य बढेको छ । साताको पहिलो दिन आइतबार प्रतितोला १ हजार ७५० रुपैयाँ रहेको चाँदीको मूल्य शुक्रबार १ हजार ८...

काठमाडौं । कोशी प्रदेशमा प्रदेश सभा सदस्य भुपेन्द्र राईको नेतृत्वमा कांग्रेस सरकारमा सहभागी भएको छ । शुक्रबार बिहान नेपाली कांग्रेसबाट तीन मन्त्री र एक राज्यमन्त्रीले विराटनगरमा शपथ लिएका हुन्। कांग्रेसबाट सरकारमा सहभागी भएका राईलाई भौतिक पूर्वाधार मन्त्री, खगेनसिंह हाङ्गाम उद्योग कृषि तथा सहकारी मन्त्री बन्दा सदानन्द मण्डलले पर्यटन, वन, वातावरण मन्त्रालयको जिम्मेवारी पाएका छन् । त्यस्तै भूमि राजवंशी भौतिक पूर्वाधार मन्त्रालयको राज्यमन्त्री बनेका छन् । तीन मन्त्री र एक राज्यमन्त्री थप गर्दै मुख्यमन्त्री हिक्मतकुमार कार्कीले मन्त्रिपरिषद् विस्तार गरेका हुन् । शुक्रबारको मन्त्रिपरिषद् विस्तारसँगै कोशी प्रदेशमा दुई राज्यमन्त्रीसहित १० सदस्यीय मन्त्रिपरिषद् बनेको छ।...